5 noyabr  2021-ci il tarixində Gəncə  Regional  Mədəniyyət  İdarəsi  Samux rayon Mərkəzi  Kitabxanasının oxuculara  xidmət şöbəsi 8 noyabr Zəfər günü münasibəti ilə  “Zəfər meydanı”adlı  film nümaiş olundu.

İlk növbədə ölkəmizin azadlığı uğrunda qəhrəmancasına şəhid olan vətən övladlarının əziz xatirəsi bir dəqiqəlik sükutla yad edildi.

Tədbiri giriş sözü ilə açan Samux rayon  MKS-nin  Oxuculara xidmət şöbəsinin  müdiri  Vüsalə Əliyeva Zəfər günü münasibəti ilə hər kəsi təbrik etdi və qeyd etdi ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin elan etdiyi “Qarabağ Azərbaycandır!” şüarı xalqımızın müqəddəs vətən torpağı uğrunda mübarizəsinin ideya qayəsi, qələbəyə səsləyən rəhbər çağırışı oldu.

Şanlı Qələbəmizlə yekunlaşan 44 günlük Vətən Müharibəsi haqqında”Zəfər meydanı” adlı  sənədli filmdə Müzəffər Ali Baş Komandan, Cənab Prezident İlham Əliyevin müharibə müddətində etdiyi çıxışlara, xarici media orqanlarına verdiyi müsahibələrə geniş yer verilir. Eyni zamanda Şanlı Ordumuzun uğurları və Ulu Xalqımızın dəstəyi haqqında danışılır. Azərbaycan Xalqı döyüş, siyasət və informasiya meydanındakı qələbələrini nəhayət sonda Azadlıq meydanında qeyd etdi. Bu meydan bizim üçün həm də Zəfər meydanı oldu.